আমাৰ মাটি আমাৰ নায়ক: শোণিতপুৰত জিলা পৰ্যায়ৰ সমিতিৰ বৈঠক অনুষ্ঠিত

অসমৰ মাননীয় ৰাজ্যপাল শ্ৰী লক্ষ্মণ প্ৰসাদ আচাৰ্যৰ এক ধ্বজাবাহী শৈক্ষিক পদক্ষেপ “আমাৰ মাটি আমাৰ নায়ক”ৰ বাবে জিলা পৰ্যায়ৰ সমিতি (District Level Committee–DLC)ৰ এখন বৈঠক আজি জিলা আয়ুক্ত শ্ৰী আনন্দ কুমাৰ দাসৰ সভাপতিত্বত জিলা আয়ুক্ত কাৰ্যালয়ৰ ১নং সভাকক্ষত অনুষ্ঠিত হয়।

বৈঠকত তেজপুৰ আৰু ঢেকিয়াজুলি অঞ্চলৰ বাবে সমিতিৰ সদস্যসকলে ইতিমধ্যে দাখিল কৰা “নায়ক” আৰু “নায়িকা” সকলৰ প্ৰস্তাৱিত তালিকা চূড়ান্তকৰণ সন্দৰ্ভত বিস্তৃত আলোচনা কৰা হয়। ইয়াৰোপৰি জিলাখনত সৰ্বাংগীন প্ৰতিনিধিত্ব সুনিশ্চিত কৰাৰ উদ্দেশ্যে ৰঙাপৰা, জামুগুৰিহাট আৰু অন্যান্য অঞ্চল সাঙুৰি এনে “নায়ক” আৰু “নায়িকা” সকলৰ নামৰ তালিকা বিচৰা হয়। লগতে, “আমাৰ মাটি আমাৰ নায়ক” পদক্ষেপৰ অধীনত শোণিতপুৰ জিলাৰ বিভিন্ন ক্ষেত্ৰ আৰু অঞ্চলৰ বিশিষ্ট ব্যক্তিসকলক যথাযথভাৱে অন্তৰ্ভুক্ত কৰিব পৰাকৈ প্ৰস্তাৱিত নামসমূহ সমিতিয়ে পৰ্যালোচনা কৰে।

লোক ভৱনে জাৰি কৰা ষ্টেণ্ডাৰ্ড অপাৰেটিং প্ৰচিডিউৰ (SOP) অনুসৰি নিৰ্ধাৰিত সময়সীমাৰ ভিতৰত নথিপত্ৰ আৰু লিখনি প্ৰস্তুত কৰাৰ বিষয়েও বৈঠকত বিশদ আলোচনা কৰা হয়। মাননীয় ৰাজ্যপালৰ এই পদক্ষেপৰ অংশ হিচাপে সমিতিয়ে এই কাৰ্যসূচীৰ শিক্ষাৰ্থী উপযোগী সংস্কৰণত অন্তৰ্ভুক্তিৰ বাবে জিলাখনৰ প্ৰায় ৪০ গৰাকী বিশিষ্ট ব্যক্তিৰ প্ৰাৰম্ভিক বাচনি আৰম্ভ কৰে।

অসমৰ মাননীয় ৰাজ্যপাল মহোদয়ৰ “আমাৰ মাটি আমাৰ নায়ক” কাৰ্যসূচীৰ লক্ষ্য হৈছে ছাত্ৰ-ছাত্ৰীসকলক নিজ নিজ জিলাৰ বিশিষ্ট ব্যক্তিসকলৰ জীৱন, অৱদান আৰু মূল্যবোধৰ সৈতে পৰিচিত কৰি তোলা, যাতে তেওঁলোকৰ মাজত অসমৰ চহকী ইতিহাস, সংস্কৃতি আৰু ঐতিহ্যৰ প্ৰতি গভীৰ গৌৰৱবোধ গঢ়ি উঠে।

বৈঠকত অতিৰিক্ত জিলা আয়ুক্ত (শিক্ষা) শ্ৰী জেম্ছে আইন্দ, সংশ্লিষ্ট সহকাৰী আয়ুক্তসকল, জিলা তথ্য আৰু জনসংযোগ বিষয়া, বিভিন্ন শিক্ষানুষ্ঠানৰ বিশিষ্ট শিক্ষাবিদ, বিশিষ্ট সমাজকৰ্মী, গণ্য-মান্য ব্যক্তি আৰু জিলা পৰ্যায়ৰ সমিতিৰ অন্যান্য সদস্যসকলে উপস্থিত থাকে।

#AmarMatiAmarNayak#Sonitpur#Tezpur#GovernorOfAssam#Education#Heritage#Assam#DistrictAdministrationSonitpur#AmarMatiAmarNayakAssam

CMO AssamBiswajit DaimaryDirectorate of Information and Public Relations, AssamJanasanyog, Sonitpur জনসংযোগ, শোণিতপুৰ